Proposti ta' Proġetti mgħoddija lill-Kumitat Tekniku tal-Letteratura

Ara wkoll:   Laqgħat tal-Kumitat Tekniku   -  Pjan ta' Ħidma tal-Kumitat Tekniku

• It-Tifkira ta' Dun Karm

• Pubblikazzjoni ta' Testi Tradotti

• Monumenti għal Rużar Briffa, Karmenu Vassallo u Ġużè Delia

• Suġġerimenti dwar Monumenti - Olvin Vella

• Intervista ma' Saturnina, it-tifla ta' Juan Mamo

• Relazzjonijiet ma' l-IBBY

• Il-Malti, Leħen il-Malti, Journal of Maltese Studies, u Journal of the Faculty of Arts fuq l-Internet

• Ġnien il-Kittieba

• tifkira b'diskors ta' tifkira magħmul minn persuna magħżula mill-Kumitat Festi Nazzjonali (is-sena l-oħra saret fis-Sala Robert Samut)
• tifkira permezz ta' korteo tat-tfal ta' l-iskola u l-għaqdiet tal-Malti li jintemm ħdejn il-monument ta' Dun Karm, il-Furjana.

• jekk il-Kumitat Festi Nazzjonali jixtieq li ngħaddulu suġġerimenti dwar kif jista' jitfakkar Dun Karm, aħna nagħmlu laqgħa apposta tal-Kumitat Tekniku tal-Letteratura u nfasslu sensiela ta' proposti li mbagħad il-Kumitat Festi Nazzjonali jkun jista' jaħdem fuqhom.
• Naturalment ma nsibu ebda oġġezzjoni jekk il-Kunsill Nazzjonali ta' l-Ilsien Malti nnifsu jixtieq jgħaddi xi suġġerimenti jew jgħin b'mod dirett lill-Kumitat Festi Nazzjonali.

Għandi nifhem li mhux qed niddiskutu l-attivitajiet ta' din is-sena ladarba daħal daqshekk iż-żmien. Dan, madankollu, huwa f'idejn il-Kumitat Festi Nazzjonali.

Xtaqt inżid ħaġa waħda ma' dak kollu li ntqal s'issa: nipproponi li jekk bħala Kumitat Tekniku tal-Letteratura nintalbu biex nagħtu s-suġġerimenti tagħna dwar it-tifkira ta' Dun Karm, nistiednu għal-laqgħa numru ta' nies, fosthom kittieba u għalliema, biex jagħtu l-ideat tagħhom wkoll.

Naturalment, nimmaġina li l-għaqdiet tal-Malti wkoll ikollhom l-opportunita' li jagħtu s-suġġerimenti tagħhom lill-Kumitat Festi Nazzjonali.

Adrian

Pubblikazzjoni ta' Testi Tradotti

Fl-ewwel laqgħa ddiskutejna l-idea li testi ta' letteratura bil-Malti jiġu tradotti f'lingwi oħra meta awturi Maltin, li x-xogħol tagħhom ikun diġà ġie ppubblikat hawn Malta u ntlaqa' tajjeb, jirrappreżentaw lil pajjiżhom f'avvenimenti letterarji ewlenin. Din l-idea hija ispirata minn inizjattiva simili tal-Katalani.

Nissuġġerixxu li l-Kunsill tal-Malti joħloq fond għal dan il-għan li jkun jismu, Fond għat-Tixrid ta' Traduzzjonijiet ta' Letteratura Maltija. L-awturi jissottomettu l-proposta tagħhom billi jimlew formola apposta li tkun disponibbli fuq dan is-sit u aċċessibbli mis-sit elettroniku tal-Kunsill Nazzjonali ta' l-Ilsien Malti. Ma' l-applikazzjoni l-awturi jinkludu kopja tax-xogħol letterarju oriġinali u tat-traduzzjoni. L-awturi jistgħu jintgħażlu biex jiġu ppubblikati l-kitbiet tagħhom f'din is-sensiela mhux iktar minn darba kull sentejn.

Il-pubblikazzjonijiet kollha ffinanzjati minn dan il-Fond joħorġu b'disinn ġenerali wieħed li juri b'mod ċar li l-inizjattiva hija tal-Kunsill Nazzjonali ta' l-Ilsien Malti. Kull ktieb ikun fih 48 faċċata u qoxra li fuqha jinbidel l-isem ta' l-awtur jew l-awtriċi. Ix-xogħol jista' jkun għażla jew sensiela ta' poeżiji, novella jew novelli, silta minn rumanz, jew xogħol teatrali. Fil-pubblikazzjoni jkun hemm nota bijo-biblijografika ta' l-awtur jew l-awtriċi, nota ġenerali dwar is-Sensiela ta' Traduzzjonijiet u l-Kunsill Nazzjonali ta' l-Ilsien Malti, u nota dwar il-lingwa Maltija. L-awturi jistgħu jagħżlu li jinkludu xogħol wieħed,jew silta minn xogħol, fuq paġna waħda tal-ktejjeb.

Il-Kunsill jistampa tliet mitt kopja tal-ktieb li 30 minnhom jingħataw lill-awtur jew l-awtriċi biex iqassmuhom huma waqt l-avveniment letterarju internazzjonali li jkunu se jieħdu sehem fih. Il-bqija jitqassmu għall-bejgħ fil-ħwienet tal-kotba jew mill-uffiċċju tal-Kunsill stess u barra minn Malta.

Filwaqt li l-Kumitat Tekniku tal-Letteratura jfassal il-kriterji t'hawn fuq biex jintgħażlu l-awturi li għandhom jiġu tradotti u ppubblikati, il-Kunsill Nazzjonali ta' l-Ilsien Malti jaħtar Bord ta' l-Għażla għal tliet snin, magħmul minn tlieta min-nies li huma esperti tal-letteratura (u mhux kittieba ta' letteratura bil-Malti), fuq parir tal-Kumitat Tekniku tal-Letteratura, biex jagħżlu l-awturi.

Fil-każ ta' awturi li jirrappreżentaw lil Malta ta' sikwit f'avvenimenti letterarji internazzjonali ta' livell għoli, il-Bord ta' l-Għażla għandu jikkunsidra li jissuġġerixxi l-istampar ta' aktar minn 300 kopja tal-ktejjeb.

Minħabba li l-għażla tal-lingwa li fiha jinqaleb ix-xogħol Malti tkun f'idejn l-awturi, skond l-avveniment li jkunu se jieħdu sehem fih, il-Bord ta' l-Għażla tas-Sensiela ta' Traduzzjonijiet aktarx li jħoss il-bżonn li jitlob il-parir ta' espert jew esperti f'dik il-lingwa jew letteratura barranija.

Il-Formola ta' l-applikazzjoni għandha tasal għand il-Kunsill Nazzjonali ta' l-Ilsien Malti mhux aktar tard minn tliet xhur qabel il-bidu ta' l-avveniment li fih tkun se tieħu sehem il-persuna li tapplika.

It-28 ta' Ġunju 2005 l Reviżjoni fis-7 ta' Lulju 2005

Proposta ta' Mafkar għal Rużar Briffa

Ittre mingħand Joseph P. Borg, Il-Ġimgħa, 24 ta' Ġunju 2005 10:42

Għeżież ħbieb,

Ili ħafna biex niktbilkom u nifirħilkom għall-ħatra tagħkom fil-Kumitat Tekniku tal-Letteratura fi ħdan il-Kunsill Nazzjonali ta’ l-Ilsien Malti (KNM).

Bħala rappreżentant ta’ l-Għaqdiet tal-Malti fl-istess Kunsill u ħabib tagħkom bis-saħħa tal-ħidma tagħna fl-imgħoddi fl-Għaqda tal-Malti (Università), nixtieq nawguralkom minn qalbi u ninsab ċert li għandkom programm interessanti xi twettqu fis-snin li ġejjin.

Nixtieq inressaq quddiem il-Kumitat tagħkom proposta li ftit tal-jiem ilu waslitli mingħand Immanuel Mifsud: it-twaqqif ta’ mafkar f’ġieħ Rużar Briffa. Kif kitibli Immanuel, Rużar Briffa jistħoqqlu ħafna aktar minn sempliċiment irħama li twaħħlet fil-Barrakka ta’ Fuq, il-Belt, mill-Moviment Qawmien Letterarju. Jixraqlu ħafna aktar minn sempliċiment sala fl-isptar ċentrali. Ftit taż-żmien ilu ċentru ewlieni tal-Mid-Med Bank kellu bini msemmi għalih, li llum spiċċa għax sar tal-HSBC.

Jekk il-kumitat tagħkom jaqbel, nixtieq li din il-proposta titressaq quddiem il-KNM. Jekk il-KNM jaqbel mal-ħsieb, ngħaddi l-proposta lill-kumitati ta’ l-għaqdiet tal-Malti u quddiem L-Akkademja tal-Malti. Ninsab ċert li kulħadd se jaqbel ma’ dan il-ħsieb u għandna nsibu l-għajnuna ta’ kulħadd. U kif għadna fiż-żmien, ninfurmaw lis-Sinjura Luisette Briffa, mart il-poeta.

Interessanti l-fatt li f’dawn il-jiem waslitli ittre mingħand Dun Nikol Aquilina, il-President tal-Kumitat Kulturali tas-Siġġiewi bit-tagħrif li qed jaħdmu biex jitwaqqaf monument lill-poeta Karmenu Vassallo. J’Alla jirnexxi l-ħsieb nobbli tagħhom u nibqgħu ngħożżu t-tifkira għażiża tal-poeti tagħna: Dun Karm, Ġorġ Pisani, Anton Buttigieg u jekk Alla jrid Karmenu Vassallo u Rużar Briffa.

Inselli ħafna għalikom.
Joseph P. Borg
 

Suġġerimenti dwar il-monumenti - Olvin Vella

1. eż. Billboard fil-by-pass ta' Birkirkara: Din il-by-pass jisimha Triq Dun Karm.

2. Inqassmu kartivolanti lis-sewwieqa li jgħaddu maġenb xi monument.  Jistgħu jgħinuna l-iskejjel tal-lokal.

3. Inżommu f'moħħna l-anniversarji tal-kittieba u "nikkummissjonaw" attivitajiet letterarji (jagħtu sehemhom l-għaqdiet tal-Malti)

4. Nagħmlu pressjoni mal-Ministeru biex xi skejjel jissemmew għal kittieba mill-istess raħal.

5. Nagħmlu films qosra fuq l-awturi u ngħadduhom lill-istazzjonijiet tat-TV biex jużawhom bħala fillers.

Mission

• to promote international understanding through children's books
• to give children everywhere the opportunity to have access to books with high literary and artistic standards
• to encourage the publication and distribution of quality children's books, especially in developing countries
• to provide support and training for those involved with children and children's literature
• to stimulate research and scholarly works in the field of children's literature

Malta mhix rappreżentata f'din l-organizzazzjoni internazzjonali. Għandna nieħdu inizjattiva, imqar billi nħajru t-twaqqif ta' Taqsima Nazzjonali Maltija, jew inħeġġu lil xi ħadd Malti biex jissieħeb?

L-artikli tar-rivista Melita Historica jinsabu kollha fuq l-internet. Huwa mudell mill-aqwa għalina li naħdmu fil-qasam ta' l-istudju tal-Malti: nissuġġerixxu li l-artikli kollha ta' Il-Malti u Leħen il-Malti jkunu fuq l-Internet. Naturalment dan irid isir bi qbil u bi sħab ma' l-Akkademja tal-Malti u l-Għaqda tal-Malti ta' l-Università. Alternattiva tajba tkun li dawn l-artikli jkunu fuq cd li tkun għall-bejgħ. Il-Kunsill Nazzjonali ta' l-Ilsien Malti għandu jikkunsidra li jagħmel investiment sostanzjali f'din l-inizjattiva għax tkun ta' fejda kbira għall-istudji tal-Malti.

Nissuġġerixxu li l-istess ħaġa ssir bil-Journal of Maltese Studies, bi sħab mad-Dipartiment tal-Malti ta' l-Università. Aktarx li l-artikli bl-Ingliż ikun teknikament iktar faċli biex nagħmlu verżjoni elettronika tagħhom. Adrian se jkellem lil Ray Fabri fuq din il-proposta waqt il-laqgħa tal-Kummissjoni Teknika tal-11 ta' Lulju, 2005.

Adrian Grima

Id-29 ta' Ġunju 2005

1. tradutturi li jaqilbu għall-ingliż poeżija ta' kull poeta u/jew silta qasira ta' proza f'kaz tal-prozaturi

2. pubblikazzjoni zghira ta' dawn ix-xoghlijiet.

3. is-sehem tat-taqsima tat-turizmu (ma nafx x'jisimha llum il-gurnata) li torganizza tours f'dan il-gnien u fejn ikunu jistgħu jinbiegħu dawn il-ktejbiet

4. inhajru wkoll lill-iskejjel biex jibdew jaghmlu dawn it-tours għat-tfal tagħhom.

5. kommemorazzjonijiet fl-anniversarji ta' dawn il-kittieba propju f'dan il-post.